Sumber Foto: Www.kibrispdr.org
Oleh: Inchi
Sedoyo tasih sami
Sepuluh tahun kepungkur
Rikala kula dugi ing panggonan niki
Soca kalih ingkang mirsani garwa
Kanthi sedhih mireng lisan kang ngrintih
Atine sansaya keiris
Sepuluh tahun kepungkur
Soca niki, soca ingkang sami
Nyawang hawa sepi
Ngambu gandha agemane garwa
Kanthi pasuryan kang mbribik
Kaya ing jaman kepungkur
Duh, Gusti, kula gumun
Tumprap katresnan kang sudha
Tumprap sih ingkang suci
Mboten luntur kalih wektu
Mboten malih babar pisan
Tiyang jaler netesake eluh ing pipi
Maneh, kaya sepuluh taun kepungkur
Geneya dheweke nangis?
Nopo amargi kangen kalih garwane?
Geneya dheweke nangis?
Geneya dheweke mboten bungah?
Sanajan kula mriki ajeng mbeto dheweke
Kondur marang garwane, ingkang sampun dugi nirwana
